Fire fanesaker
Betre kommunikasjonar i regionen er viktigaste sak for Nordmøre næringsråd.
Attvald leiar Asmund Kristoffersen måtte skunde seg for å nå ferga da generalforsamlinga i rådet var unnagjort på Aure fredag.
– Det er fire fanesaker som er særleg viktige, og som gjeld alle kommunane på Nordmøre. Det er samferdsel, kraftsituasjonen, rekruttering og kompetanse, og ein felles høgskole for Møre og Romsdal, sa Kristoffersen.
Samarbeid
Verken medlemsmøtet eller generalforsamlinga hadde spesielle næringspolitiske saker til behandling, men næringslivet og kommunane på Nordmøre vil samarbeide for å styrke regionen, særleg gjennom satsing på samferdsel og betre kommunikasjonar.
– Det gjeld å få Nordmøre i posisjon på fylkesnivå, særleg i samferdselssaker som har med ferger, riksveg 70 og Talgsjøprosjektet å gjera, seier Iver Nordseth, som er styremedlem i Nordmøre næringsråd.
